MASTER_IER

1. Alış-veriş etmək heç zaman əyləncəli olmayıb və olmayacaq da.

2. “Məni sevirsən?” kimi suallar verməyin. Əmin olun ki, sevməsək bir dəqiqə də yanınızda qalmarıq.

3. Bir probelm yananda bizdən məsələni həll etmək üçün kömək istəyin.

4. 8 həftə çəkən baş ağrıları baş ağrısı ola bilməz! Bəlkə bir həkimə dəyəsiniz?

5. Bizdən sizinlə eyni dərəcədə üzülməyi istəməyin. O sizin rəfiqələrinizin işidir.

6. Bir yerə gedəndə, hansı paltarı geysəniz, sizə çox yaraşır. Vallah da, billah da çox yaraşır. İki dəqiqədə bir soruşmayın “yaraşıııır?”

7. Biz kişilər çox sadəyik. Sizdən çörək gətirməyinizi istəyiriksə, əslində sadəcə çörək gətirməyinizi istəyirik. Bundan “çörək niyə stolun üstündə deyil?” kimi bir nəticə çıxarmayın, çox xahiş edirik.

8. Əgər ikibaşlı bir söz demişiksə və onlardan biri sizin xətrinizə dəyirsə, deməli biz o biri mənada demişik. Heç nədən bizi zibilə salmayın, qurban olum...

9. Əgər bir şey istəyirsinizsə, sadəcə deyin. Ordan-burdan suallar verməyin. Mustafanı birdəfəlik deyin ki, məsələni aydınlaşdıra bilək.

10. Əgər kökəldiyinizi düşünürsünüzsə, yəqin ki, kökəlmisiniz. Bizə bu sualı verməyin, cavab verməyəcəyik.

11. Kişilərin əksəriyyətinin 3 cütdən çox ayaqqabısı olmur. Biz sadəyik. Ona görə də 30 cüt ayaqqabınızdan hansının əyninizdəki paltara uyğun gələcəyini soruşmayın. Qadanız alım, soruşmayın.

12. Evi təmizləyib yorulandan sonra üzünüzə baxılmayacaq hala düşmüsünüzsə, bizdən “çox sağ ol” gözləməyin. Bunun bizə heç bir faydası yoxdur. Təmiz bir evdən daha çox baxımlı bir qadınla evi, həyatı paylaşmaq daha mənalıdır. Bir kişiyə təmiz evdən əvvəl təmiz həyat yoldaşı, hətta sadəcə həyat yoldaşı lazımdır.

13. Sizə “nə olub?” sualını verəndə, “heç, hər şey qaydasındadı” cavabını verəndə, sizə inanırıq, bizim üçün məsələ artıq bağlanır. Ona görə də, bir problem varsa, ya sual verməmiş, ya da sual verən kimi cavab verin ki, sonra bizə “anlayışsız, diqqətsiz” sözlərini deməyəsiniz.

14. Kifayət qədər ayaqqabı və paltarınız ola-ola, bizi müflis etdirmək bir sevgi nümayişi deyil. Bu məsələni boykot edirik!


Ümid edirəm ki, bu böyük zarafatdan xanımlarımız inciməyəcək və məni şillə-təpiyə qonaq etməyəcəklər. Vallahi də, billahi də sizi sevirik, ay xanımlar.