ULDUZLU TOY...

Anjelika Varum və Leonid Aqutin... 20 iyul, 2000.

1997-ci ildə birgə yaradıcılıq fəaliyyətinə başlayan Anjelika və Leonid münasibətlərini rəsmləşdirdikdən sonra Venesiya`ya toy səyahətinə yollanıblar. Onların səyahətləri nəticəsində “Ürəyin yarısı” adlı layihə ərsəyə gəlib.




Qven Stefani və Qevin Rossdeyl… 14 sentyabr, 2002.

Nikah mərasimi ilk öncə London`dakı, sonra isə Los-Anceles`dəki katolik kilsəsində keçirilib. Hər iki mərasimdə Qven çəhrayıçalarlı ağ gəlin paltarı geyinmişdi.




Liv Tayler və Royston Lenqdon... 4 aprel, 2003.

Toy mərasimi Karib adalarının birində yerləşən möhtəşəm villada, ailə üzvlərinin əhatəsində təşkil olunub. Toydan sonra bir neçə ay sonra təzə evlililər yaxın dostları üçün Nyu-York`da yığıncaq keçiriblər. Evlənməzdən əvvəl Liv və Royston üç il nişanlı qalmışdılar.




Faiq Ağayev və Nigar Topçubaşova… 21 dekabr, 2004.

Qızıl tikmələrlə işlənmiş ağ bəy kostyumu geyinən Faiq və ağlibaslı Nigar`ın toy mərasimində, təxminən 1000 nəfər qonaq iştirak edirdi. Sarayın zalına aparılan pilləkəndən düşərkən gəlin hər pillədə qoyulan “xoşbəxtlik nimçələrini” ayağı ilə sındırırdı, sözsüz, ona bu işdə bəy də yardımçı olurdu. Mərasimdə qonaq qismində iştirak edən müğənnilərin hamısı Faiq Ağayev`in repertuarından mahnılar ifa ediblər.