Şirkət idarəçilərinə «məsləhət»!

Müəllif: IqtisadNet

Əgər şirkətinizə yeni işçi almaq istəyirsinizsə aşağıdakı metoddan istifadə edə bilərsiniz:
Bir pəncərəsi açıq olan və içərisində müəyyən formada düzülmüş təqribən yüzə yaxın kərpic olan bir otaq hazırlayın. İş üçün müraciət edən 2 və ya 3 namizədi otağa göndərin və qapını bağlayın. Onları sərbəst buraxın və 6 saat sonra otağa daxil olaraq mövcud vəziyyəti təhlil edin.

- Əgər kərpicləri sayırlarsa, onları mühasibə departamentinə alın.
- Əgər kərpicləri təkrar sayırlarsa, onları nəzarət departamentinə alın.
- Əgər otağın hər tərəfinə kərpic dağıdıblarsa, onları mühəndis kimi işə alın.
- Əgər kərpicləri qeyri-adi bir formada düzüblərsə, onları planlaşdırma departamentinə alın.
- Əgər kərpicləri bir-birilərinə atırlarsa, onları əməliyyat departamentinə yerləşdirin.
- Əgər yatırlarsa, mühafizə departamentinə işə alın.
- Əgər kərpicləri hissələrə ayırıblarsa, onları informasiya texnologiyaları departamentinə alın.
- Əgər boş-boş otururlarsa, onları insan ehtiyatları departamentinə alın.
- Əgər bir çox fərqi kombinasiyaları sınaqdan keçirdiklərini söyləyir, amma bir kərpici belə yerindən tərpətməyiblərsə, onları satış departamentinə alın.
- Əgər otaqda deyillərsə, marketinq departamentinə alın.
- Əgər pəncərədən boş-boşuna çölə baxırlarsa, strateji planlaşdırma departamentinə alın.
- Və nəhayət, əgər bir-birilərinə bir şeylər danışırlarsa və tək kərpic belə yerindən tərpədilməmişsə, onları təbrik edərək şirkət rəhbərliyinə daxil edin.