Eylence.AZ Netty 2008-də

Əziz saytımızın istifadəçiləri!

Bildiyiniz kimi Azərbaycan İnternetində hər il Netty.AZ şirkəti tərəfindən hər bir bölmə üzrə ilin ən yaxşı saytları müsabiqəsi keçirilir. Saytımız da əyləncəli sayt kimi bu müsabiqədə iştirak edir. Saytımıza dəstək olmaq istəyirsinizsə, virtual jüri kimi qeydiyyatdan keçin və saytımıza SƏS verin.

Daha ətraflı məlumat üçün : http://www.netty.az/az/agreement.shtml

NETTY-2008 Azərbaycan Milli İnternet Mükafatının şərtlərinə uyğun olaraq iştirakçıların və virtual jüri üzvlərinin qeydiyyatı 28 fevral 2008-ci il tarixindən başlanır və cari ilin aprelin 8-dək davam edir. Müsabiqənin iştirakçısı və ya virtual jurinin üzvü, müsabiqənin qaydalarına zidd olmayan və www.netty.az saytına daxil olmuş mükafatın təşkilat komitəsi ilə bəyənilən qeydiyyatdan keçən hər bir şəxs ola bilər.

Virtual jürinin səsverməsi aprelin 9-dan 18-dək keçiriləcək. Bu dövr ərzində iştirak etmək üçün tələbnamələrin və virtual jürinin yeni üzvlərinin qəbulu dayandırılır. Qabaqcadan qeydiyyatdan keçən jürinin üzvləri səsvermə yolu ilə Netty-2007 nominantalrını müəyyən edir. Bütün müsabiqə boyunca jürinin hər bir üzvü bir dəfə səs vermək imkanı var və səsinin qəbul edilməsi üçün hər bir nominasiyada səs verməyə borcludur. Hər göstərilmiş kateqoriyadan üç nominant müəyyən edilir.

Aprelin 19-dan virtual jürinin seçiminə əsaslanaraq milli informasiya texnologiyaların görkəmli xadimlərindən ibarət olan NETTY-2008 Veb-akademiyasının səsverməsi başlanır. Veb-akademiya, bağlı səsvermə yolu ilə nominantların ümumi sayından hər nominasiyadan bir qalibi seçərək NETTY-2008 finalçılarını müəyyən edir.

NETTY-2008-nin qalibləri aprelin 28-də təntənəli mərasimdə rəsmi elan edilir. Təntənəli mərasimdə mükafatın bütün nominantları iştirak edir. Tədbirin gedişatında akademiyanın qərarı ilə həmçinin “İnformasiya texnologiyaların inkişafının zənginləşdirilməsi üçün” müsabiqədən kənar şərəfli nominasiya qalibi elan edilir.

Əvvəlcədən öz təşəkkürümü bildirirəm!

Hörmətlə, Murad