Exclusive of 2008!!! Siti Nurhaliza - Wanita.mp3

by Master_IER


Neçə gündür bizim Maybachı izləyirəm, elə bir ucdan mahnı kəşf eliyir. Həvəsə gəldim eee lap. Mən də oturdum fikirləşdim ki, məndə niyə o əjdahadan olmasın?



Beləliklə, sizlərə heç də adət etmədiyimiz Asiya musiqisini təqdim edirəm. Bir az Avropadan uzaqlaşaq, yeni səslər kəşf edək. Bu araşdırma zamanı çox maraqlı faktlarla tanış oldum. Malayziya xalq mahnıları üslubunun bizim mahnılarla necə oxşar olduğunu kəşf etdim. İnşallah onu da gələcək postlarda sizə ətraflı izah edib, musiqiləri təqdim edəcəyəm.

İndi isə 2008-ci ildə Malayziyada ən yaxşı albom seçilmiş Siti Nurhalizanın "Hadiah Daripada Hati" albomundan ilin ən yaxşı mahnısı "Wanita"nı təqdim edirəm. Görək Asiya mahnıları sizin zövqünüzə uyğun gəlmir mi?


Buyurun yükləyin: Siti Nurhaliza - Wanita.mp3

Siti Nurhaliza - Malayziya pop müğənnisi və bəstəkarı. 11 yanvar 1979-cu ildə anadan olub. 2002-ci ildə Asiyanın Səsi olan Sitinin uğurlarını saymaqla bitmir. 200-dən çox yerli və beynəlxalq mükafat qazanan Siti Nurhaliza dəfələrlə öz ölkəsində İlin ən yaxşı müğənnisi, İlin ən yaxşı qadın müğənnisi, İlin ən yaxşı albomu, İlin ən yaxşı musiqisi və sair bu tipli mükafatlar qazanıb. Əksər hallarda bu mükafatların 3-4-nə birdən sahib olub. Bir sözlə Malayziyanın ən bərk gedən müğənnisidir.

Siti xanım musiqi dünyasında uğur qazandıqdan sonra öz şirkətini Siti Nurhaliza Productions (M) Sdn. Bhd. qurur. Bundan əlavə hal-hazırda onun iki köməkçi şirkəti də var: Siti Nurhaliza Collections Sdn. Bhd. və Siti Nurhaliza Marketing Sdn. Bhd.

2007-ci ildə Malayziya internet istifadəçilərinin Google-də ən çox axtarış mövzusu olan Siti Nurhaliza Paris Hilton və Britney Spearsı geridə qoymuşdu.