Röyanın əri həbs edildi

Populyar müğənni Röyanın ailə qurmasının şou aləmində böyük ajiotaj yaratması sirr deyil. Nəzərə çatdıraq ki, çoxları bu evliliyin çox çəkməyəcəyini deyirdilər.

Sözügedən proqnoz özünü doğrultmaq üzrədir. Belə ki, “Reytinq” qəzetinin dünənki sayında dərc olunan məlumata görə, Röyanın həyat yoldaşı Anar narkotikdən istifadəyə görə hüquq-mühafizə orqanları tərəfindən saxlanılıb. Lakin Röya Ayxanın mətbuat katibi Ülviyyə Alovlu deyilənləri təkzib edib. Və bildirib ki, müğənninin başı yaradıcılıq işlərinə qarışıb. Eyni zamanda deyib ki, Röya konsertdə həyat yoldaşı ilə birlikdə olacaq. Lakin həmin konsertdə onu həyat yoldaşı ilə birgə görən olmayıb. Könsert zamanı həddən artıq əsəbi görünən müğənni jurnalistlərin suallarını cavablandırmaqdan da imtina edib. Həyat yoldaşının harada olmasına gəlincə isə, o, “Anar məni avtomobildə gözləyir” deməklə kifayətlənib. Röyanın bu suala reaksiyasından bəlli olub ki, Anar problemlə üzləşib, sadəcə, Röya bunu təkzib edir.

NİGAR - Müsavat qəzeti