Məşhur Azərbaycan xanəndələrindən biri olan Məcid Behbudalı oğlunun oğlu olan Rəşid Behbudov, 1915-ci il Dekabr ayının 12-də Tiflisdə anadan olmuşdur. İfaçılıq fəaliyyetinə 1930-cü ildə Tiflisdə başlamışdır. 1938-44-cü illerde İrəvan filarmoniyasının solisti olmuş, həmçinin A.Spendiyarov adına Ermənistan Dövlət Opera və Balet Teatrında çıxış etmişdir. 1946-56-cı illərdə Azərbaycan Dövlət Filarmoniyasının, 1953-60-cı illerdə fasilələrlə M.F.Axundov adına Azərbaycan Dövlət Opera və Balet Teatrının solisti, 1957-59-cü illərdə Azərbaycan Dövlət Konsert Ansamblının təşkilatçısı və rəhbəri olmuşdur. 1966-cı ildən, musiqi və estrada sənətinin balet, pantomima kimi müxtəlif janrları üzvi surətdə birləşdirən Azərbaycan Dövlət Mahnı Teatrını təşkil etmiş və oranın solisti və bədii rəhbəri olmuşdur.
Zəngin çalarlı, müstəsna gözəl səsə malik olan Rəşid Behbudov Azərbaycan vokal məktəbinin görkəmli nümayəndələrindən biridir. Onun ifaçılığına hisslərin təbiiliyi və dolğunluğu xasdır. Azərbaycan xanəndələri üçün səciyyəvi olan improvizə etmə xüsusiyyəti Rəşid Behbudov yaradıcılığında özünü orijinal şekildə göstərmişdir.

Bütün köhnə Sovet ölkeleri ilə yanaşı Albaniya, Bolqarıstan, Belçika, Misir, Efiopiya, Hindistan, Çin, Finlandiya, İraq, İran, Türkiyə, Çili, Argentina və s. kimi ölkələrdə geniş repertuarı ilə çıxış edən Rəşid Behbudov Azərbaycan xalq mahnılarının və Azərbaycan bəstəkarlarının vokal əsərlərinin xarici ölkələrdə populyarlaşmasında böyük rol oynamışdır. Azərbaycan mahnıları ilə yanaşı O, 50-dən artıq xalqın mahnısını da həmin xalqın dilində ifa etmişdir.

Səhnələrin ulduzu olan Rəşid Behbudov 1989-cu ildə vəfat etdi. Fəqət ölməz sənət daima yaşayır və milyonlarca insanları heyrətə buraxmağa davam edir.

1

Read More

Əziz saytımızın qonaqları və üzvləri! =)

Nəhayət ki, çoxdan arzusunda olduğumuz MP3 proyektimiz açıldı. Təhsilimlə əlaqədar olaraq hələ ki, mp3 yükləməyə vaxtım yoxdur, amma bazamızda 12.000-dən artıq mahnı vardır. Fevral ayının sonlarınadək 70.000 ə yaxın mp3 yükləməyi planlaşdırmışıq. Hal-hazırda yalnız menyuda olan musiqi janrları mövcuddur. Xahiş edirəm məni çox danlamayasınız. Söz verdiyim müddətədək bütün istəklərinizi yerinə yetirəcəm. Saytda apardığımız sorğuya əsasən mp3-ri yükləmişik. Belə.

MP3 scriptə görə dostum Mamedos-a (www.open.az admin),

scriptin mükəmməl səviyyəyə çatdırılmasına, optimizə olunmasına, MP3 serverin quraşdırılmasına və bütün növ texniki problemlərinin həll olunmasına görə İlqar qardaşımıza (Ilg),

designə görə isə Elmara (Lemar) xüsusi təşəkkürümü bildirirəm.

Ən əsası isə bu proyektin reallaşmasında mənə maddi kömək edən 2 nəfər şəxsə (adlarının açıqlanmasını nədənsə istəmirlər) çox sağ ol deyirəm!!!

Qeyd etdiyim kimi söz verirəm ki, inşaAllah əgər bir problem çıxmazsa, bu layihəni Aznetdə ən məşhur MP3 portalına çevirəcəm. Çox sağolun ki, hər zaman bizimlə oldunuz.

Saytla bağlı bütün nöqsan və iradlarınızı, həmçinin təkliflərinizi admin[at]eylence.az (Ilg) və murad[at]eylence.az (Murik) e-ünvanına göndərə bilərsiniz.

Murad

http://mp3.eylence.az - Dinlə və əylən!