Rusiyada düzəldilmiş Qızıl Quran Tehranda nümayiş etdiriləcək

22. 09. 07 23:07, by Realium, Categories: Xəbərlər | Новостьи

By Realium

Rusiyada düzəldilmiş Qızıl Quran Tehranda nümayiş etdiriləcək
Hazırda 14 səhifəsi İran paytaxtında olan nadir Quranın tam şəkildə oktyabrın 2-nə qədər göndərilməsi planlaşdırılır

Rusiyada təmiz qızıldan düzəldilmiş 162 səhifəlik Quran sərgidə nümayiş etdirilmək üçün Tehran muzeyinə göndəriləcək. Hazırda 14 səhifəsi İran paytaxtında olan nadir Quranın tam şəkildə oktyabrın 2-nə qədər göndərilməsi planlaşdırılır. Tehran sərgisi də bu gündən başlayaraq oktyabrın 2-nə qədər davam edəcək.

Qızıl Quran bu günə qədər gəlib çıxan müqəddəs kitabın ən qədim versiyası sayılan «Osman quranının» üz köçürməsidir. Kitab hazırda Sankt-Peterburqda Elmlər Akademiyasının şərqşunaslıq institunun balansındadır. Qızıl Quranın hər səhifəsi yarım millimetr qalınlığındadır və hərflərin yazılışı digərlərinə nibətən 3 dəfə qalındır. Moskva Dövlət Universitetinin professoru Dimitri Frolovun sözlərinə görə, bu Quranda istifadə edilən əl yazısı öz oxşarlarından daha mükəmməl və tam şəkildə yazılıb.

Quranda istifadə edilən qızılın dəyəri 6 milyon Amerika dolları məbləğindədir. Bu müqəddəs kitabın saxtasının və ya oxşarının düzəltmək isə mümkünsüzdür.

© ANS-PRESS