City of Arabia layihəsi: Yura dövrünün dinozavrları

13. 01. 08 21:00, by MASTER_İER, Categories: Səyahət | Путешествие, Texnika və texnologiya | Техника и технология

by Master_IER

2008-ci ilin sonunda artıq Yura dövrü parkında gəzmək mümkün olacaq. Bu park City of Arabia əyləncə mərkəzi layihəsinin bir hissəsidir. Dəyəri 1,1 mlrd. dollar olan bu layihə uzun illər eradan əvvəlki həyatın reallığa ən yaxın canlı görünüşü olacaq.

"Həyəcanlı planet" tematik parkı dinozavrların həqiqi ölçülərində hərəkət edən robotlar şəklində salınacaq. Dinozavrların hazırlanması yapon şirkəti Kokoro Dreams, parkın memarlıq işlərinin görülməsi britaniya şirkəti RH Architects, peyzaj amerikan şirkəti Jack Rouse Associates-ə tapşırılıb.

100-dən çox robotozavr 40 növ dinozavrı təcəssüm etdirəcək. Onlar hərəkət edəcək, nərə çəkəcək və hətta ziyarətçilərlə münasibət qura biləcəklər. Ondan əlavə, parkın ərazisində həqiqi dinozavr qalıqları nümayiş olunacaq.

"Həyəcanlı planet"-in ərazisi 46,4 min kvadrat metr olacaq. Oraya daxil olmaq "Dubayland"-də yerləşən Mall of Arabia ticarət mərkəzindən mümkün olacaq. Parkın üzərində 75 metr hündürlüyündə şüşə örtük olacaq.